Jednostavni zapis

B: /0.00/ Ilonka, ča ste htili djelat u zimi? Vako skupa dojt, perje čihat…

A: Oto je bilo jako dobro, perječihanje, kad sam još bila mlada, onda Moriška Jezerova Gribarova, ota je… smo tili šmerke tote poslušat ča se stare žene pominadu, ono va Novom seli kod Gribarovih htili perje čihat, onda, onoga ča je pokojni, Bog mu daj pokoj, Kope staramat, teta Reza su htili povidat njev mladi žitak s mužem, a nako su tili to vicašem govorit, da smo se mi onako htit šmerke to poslušat ter smijat, pak skoro pod stolom, /0.40/ ter to smo htile jako rado … išle perje čihat, aš na zadnje kad se je tilo, kad… kad smo zagotovit htile, onda su htili doprimit ali… ali suhe hruške, ali… ali jabuke, škalice suhe, ter to su htili nam skuhat, ter to smo htili jist pak onda je htil bit udomaš zadnji dan, onda je htilo bit tote svega šütemenja svega, onda smo htili pak tej, dobri tej, onda smo htili zato se ur ono tote ur smijat da ča ćemo dostat denas, /1.10/ ter oto smo rado išli, aš… onda i va Pešti kad san bila još dite, kade dite – divičica, onda kod Kerčevih, tote uz Cimitor, tote su bili teta Kate Kerčeva, tote se je htilo čihat, ota su htili nam onolike štorice napovidat, ter san rado išla va bandu, a onda kad sam ur bila… ferdjet ženska, onda smo onde jednoč je bil televizor vani, to znam, kod Luc… kod Olasa, kod Luckinih. Ter onda su, a i gori su nas zeli ter smo onda ono kade je dičak mühej imal, Morci, tote smo onda perje čihali. /1.48/ A na perje čihat, kade su znali dičaki da se perje čihe… čiše, onda su htili se pominat skupa dvama-trimi, ter su htili vrata odbušit, a perje je tilo po onom bižat od stola, znaš kako je htilo letit, to se kad cug dostane, ne, vakov smišicov je bilo. A te su htile žene zdivat čije je bilo perje, a ti su se kalafati htili smijat onda, ne, da ča…

B: /2.13/ A so, već dan je bil, ali nek jedan dan, ali… jedan tajedan?

A: Ne, ne jedan, ne jedan dan, nek to smo onda par dan išli, par dan, oto (…) koliko su imali gusak, ne, koliko se… je ka imala nek četire-pet guskov, neka je imala strašan šor guskov, žena, ne, ter onda te su po puti išle, no nij bil vako moderni svit da se ništ ne smi, vo ne i to ne, i svinja ako je va stani i to je falinga, i to je falinga, ako kukuriče peteh – sve je falinga, sad ur čujem već mjesti kade je još ča, onda je… onda je toga svega bilo, ter, ter onda… onda je to… dosljek je to perje duralo, donjek smo djelali, je kad osam dan, je kad dva tajedne. /2.53/ Dvi-tri ure se je to htilo… Ali rado smo išli svi, tote smo onoliko smišicov, svega htile čuti, ter… ter sve. Rado… Jako rado sam išla.

B: A na čega su tili hasnovat perje?

A: Hat vankuše načinjit… kad se divičica… Ali su htili reć sta… ḁkori stare žene, da ta… auštafirat se mora, ne nek plahte, pak… pak ručnike, pak oto kupit, nek… nek… nek vankuše, dvi dunje se jednoj divičici mora auštafirat, dvi dunje, pa četire vankuše cuj. /3.29/ No majka su mi dali veljek jednu dunju, aš i mi smo onda imali guske abaj, dole kad smo još stali va Pešti, guske su, ali veljek su mi dale jednu dunju, jednu dunju veljek, pak dvi vankuše cuj, a drugu da, da kad se zopet načinji to, ne. To se je moralo zisčihat pak oto se, no ter oto je bilo tako kot… kot… da to sto procentov mora bit, aš prez toga se ne more odat. To je bilo onda takova moda, ali ča ću reć, ne. /3:58/

Po našu 2.dio, Ozvučena čitanka. Dodatak, HKDC, 2022.

Po našu 2_dodatak_naslovna