Alle Beiträge von Ivan

Unda – Govor – Ditinstvo, škola, oprava, mladina

 

Jednostavni zapis

A: /0.00/ Na ditinstvo se spominjam, kako smo (sa) sestrom, roditeljimi i starimocem živili, puno svega imam pred očima, i se erinam  na lipe stare povidajke, kot smo kod stola sidili, skupa, svenek je došlo ča najpr od čega se je moglo pominat, ko su imali lazno po djelu, onda smo se svenek igrali uz povidajke, smo si mlin namoljali, pažon, kukorice smo brojili, devet – devet, s tim se je moralo igrat /0.36/, to gvišno svaki pozna kako to ide, tr smo htili čekat gdo će dobit, onda nediju smo va crikvu išli, maši, dopodne, a po objedu litaniju zopet molit, zatim je bilo najlipše po selu na cesti kad smo se prošetali, smo prošli majke roditelje i brata familiju pogledati /1.04/, najbolje se mi divičice na te fajne turte, kolače spominjamo, smo čekali da nas ponudu, svenek smo bili ponudit vino, slatkarijom /1.16/, potom smo i va cimitor prošli, i molili za naše ki već nisu s nami bili /1.22/. Strašno mi je bilo, ako si najzad pomislim, da, ko, kad je moje majke otac, moj stari͜otac bolestan bil, i tako, da se je jako teško pominal, nij ga bilo razumit, a mene je tamo zval tr mi je, a, čuda ča rekal, ali ja nisam razumila /1.41/, a on je pa nek s rukom manul, obrnul se je, pa je zaspal tako, da se je već utrudil, a mene je to tako bolilo, da se nisam mogla nazadnje s njim pominat, nisam razumila, nisam mu mogla ništ reć, to, to mi bilo onako, to je bilo strašno meru.

B: Kade ste va školu hodili?

A: /2.00/ Škola mi je bila va seli, osam razredov sam zvigizdila na Undi, učili smo se po ugrsku i po hrvatsku, školske knjige, tulikaj madjarske i hrvatske smo imali, učiteji su nam živili na Undi, ali i madjarske učiteljice smo dostali /2.23/; va školi smo se učili i vjeronauk, za vjeru va školi, bud, na madjarskom jeziku, s gospodinom Lörinc Varga, oni su nam bili Madjar, oni su nas pripravili na ͜pričešćanje i na bermanje, i to smo va školi dostali, pak onda va crikvi, onda smo imali va crikvi probe, da bude se dobro išlo,

B: Kako ste bili obličeni:

A: /2.52/ Hat va opravu si je svaki tako rikta, hojt lipu bijelu pratež, ali kot pričešćanja; na glavi je bil vijenac, pa onda lipo bijela pratež, na bermanje se već nij tako pravalo, to, komu se je ča dalo, kako su si mogli uredit da si pratež kupu, ali lipo smo bili spravljeni.

B: Kako je živila mladina?

A: /3.20/ Mladi smo skupa držali, skoro svaki dan smo se po djelu našli, pominali, jačili, hat nij bilo tako kod denas da mladi idedu va disko, po svakudaj, se zabavljat /3.36/. Mi smo bili va selu, skupa smo došli pred, pred kulturnim domom, tr tote smo tili, onde smo imali već onda i klub, kad smo rasli bolje mladina /3.51/. Onda smo se tote htili igrat, pominat, svaku nediju smo va kulturnom domu tancali, na muziku ploče. I moj muž je igra na harmonike, maloput sam i ja vukla harmonike /4.07/, ne tako kot moj muž dobro, ali onda nam je bilo i to dobro, da smo mogli tancat, valcer, tvist, rokenrol, no tango, i to je bilo za nas, ne kod sada da se drmadu /4.24/. Onda je bilo tako to lip tanac, to smo imali svenek zabav, nediju smo kumaj čekali da neka dojde, da otpru kultur. /4.34/

Po našu 2.dio, Ozvučena čitanka. Dodatak, HKDC, 2022.

Po našu 2_dodatak_naslovna

Jurica Čenar – Demokracija

linkovi: Jurica Čenar, Ivanov blog

http://jurica.csenar.at/

https://ivansic.wordpress.com/2015/10/16/jurica-cenar-demokracija/

Jurica Čenar – Svića

linkovi: Jurica Čenar, Ivanov blog

http://jurica.csenar.at/

https://ivansic.wordpress.com/2022/11/17/jurica-cenar-svica-2/

Jurica Čenar – Oj Jelena

linkovi: Jurica Čenar, Ivanov blog

http://jurica.csenar.at/

https://ivansic.wordpress.com/2022/11/17/jurica-cenar-oj-jelena/

Jurica Čenar – Da bi

linkovi: Jurica Čenar, Ivanov blog

http://jurica.csenar.at/

https://ivansic.wordpress.com/2019/05/07/jurica-cenar-da-bi/

Jurica Čenar – Ivanov blog

linkovi: Jurica Čenar, Ivanov blog

http://jurica.csenar.at/

https://ivansic.wordpress.com/2022/11/16/jurica-cenar-ivanov-blog/

Tin Dragošević: Stan

download/preuzimanje:

Tin Dragošević_Stan

Marijana Balog-Parazajda: Obzor na zalazu

download/preuzimanje:

Marijana Balog-Parazajda_Obzor na zalazu

O, ti lipi stari časi (kratka priča)

O, ti lipi stari časi

Noj imenom Hildegard živi u Gornjoj Pulji. Svi mislu, ona je normalni i dosadni noj, ali to nije tako, ona je ča jako posebnoga! Hildegard naime zna putovati kroz vrime.

Svi u gradu se samo interesiraju za svoje mobitele, a ne za nju. Nigdor ju ne pogleda. Zbog toga je nastala jako, jako tužna… Već nije znala dalje. Odlučila se je, da će se ufati po prvi put otputovati u prošlost.

Postavila se je, zaprla je oči, jako je mislila na svoj cilj i PUFFF.

Kad je opet otvorila oči, je dušala dobar zrak. Nije dušalo po otpadni gazi, nego po veselju.

Najednoč je čula kopita konji. Okrenula se je i zagledala velika kola. „Gdo si ti, ja te još nikada nisam vidio?“, čudio se je vozač. „Ja sam danas stoprv došla i išćem mjesto za prenoćevati!“, upitala se je Hildegard nervozno. „Hodi s nami, ja imam slobodnu hižu za tebe“, odgovorio joj je ljubezno muž.

Hildegard je skočila u kola i tako su se odvezli. Pri vožnji je Hildegard vidila čuda ljudi i upametzela, da nigdor nije imao mobitela. Svi su se družili, nijedan nije gledao u ta šerblj.

Kad su došli na seljački dvor, se je Hildegard ogledala i vidila svoje rodjake. Kašnje se je ispostavilo, da je jedan noj bio nje staramajka! O, kako se je veselila! Bila je još nekoliko tajedan u prošlosti, dokle je nje čas skrsnuo.

Načinilo je PUFFF i stala je opet u sadašnjosti. Izdahnula je: „O, ti lipi stari časi!“

(autorice: Lara i Sophie Berlakovich, Karla Borota, Viktoria Schmidt)

download/preuzimanje:

O ti lipi stari časi_kratka priča

O, ti lipi časi

O, ti lipi časi

O, ti lipi stari časi, tako su brzo prošli.
O, ti lipi stari časi, kako rado bi vas opet vidio.
O, ti lipi stari časi, falit ćete mi.

O, ti lipi novi časi, pozdravljam vas.
O, ti lipi novi časi, doživit ćete čuda s manom.
O, ti lipi novi časi, gdo zna, ča će se dogoditi.

(autori: Felix Gneiss, Philipp Sošević, Kendra Schnaitt)

download/preuzimanje:

O ti lipi časi_jačka

Sudioniki literarnoga naticanja: O, ti lipi stari časi!

Panonska gimnazija Gornja Pulja

Prvi red, stojeći: Felix Gneiss

Prvi red, sidje: Philipp Sosevic, Viktoria Schmidt, Sophie Berlakovich

Drugi red, stojeći pak sidje: Mag. Elena Steszgal, Kai Schnaitt, Lara Berlakovich, Karla Borota, ravnatelj Mag. Markus Neuhold